Re: CPE: philosophy

["Jorge J. Llambias" <jorge@INTERMEDIA.COM.AR>]

la markl cusku di'e

> coidoi lobypli
>
> Please help me to translate into Lojban the word
> "philosophy", as used by Corliss Lamont in the
> following passage from _The Illusion of Immortality_:

i pe'i do dukse kurji pa valsi i e'u cuxna lo valsi
poi pluka do ku'o gi'e di'a fanva i vajmau fa le nu
le mulno xe fanva cu sarxe le se fanva kei le nu lo
steci valsi cu prane i li'a caza'o na zasti fa lo tcaci
jbovla be la'e le glivla i la'a na mutce vajni i do
kakne le nu ba bastygau lo zanmau lo valsi ca le nu
zy tolcanci i le lojbo selsku cu zmadu ro famcau
nunsnu be bau la gliban bei fi le du'u xukau le ti
valsi le ta valsi e le tu valsi cu zmadu le ka satci
i a'o mi'a bazi ka'e tcidu le do xe fanva

co'o mi'e xorxes