Re: TEXT: Lojbab bau la lojban .ue

[Jorge LLambias <jorge@PHYAST.PITT.EDU>]

la kolin cusku di'e to ly po'u la lojbab toi

> i ly cusku lu
>  mi finti cusku bau la lojban sekai leka na pilno lo valsi liste
> li'u .i mi pa'a go'i

i mi na oiro'aru'e go'i
i mi capu'o djuno le rau valsi


> ni'o pa mai mi zanru se xajmi le si'o lo mlatu cu ponse jenai se ponse
> lo remna

ie lo'e mlatu cu zifre danlu
i ti'e ri to'e zanru le nu se ponse
i mi pa'a se xajmi ca le nu mi tcidu sera'a le kau ponse

> i re mai ly cusku lu .iku'i ca lenu makcu mi
> zgana lenu so'u kerfa cu blabi li'u .i mi zgana le nu lu ca lenu makcu
> li'u cu sumtysmi le selbri po'u zo zgana kei ku .e le nu le makcu cu
> na jai se cusku

i pe'i ly zukte fi le nu cusku lu ca le nu makcu kei li'o li'u

> .i mi xalbo le si'o cumki fa le nu te smuni le jufra
> fi le du'u zgana ca le nu la lojbab cu makcu

je'a
i le se kerfa pa'a na jai se cusku
i cumki fa le nu ly tavla fi le ly kerfa


co'o mi'e xorxes