Re: ma tcidu

["Jorge J. Llambias" <jorge@INTERMEDIA.COM.AR>]

>coi doi jbopre

coi goran i gleki le nu tcidu bau la lojban bai do

>ni'o mutce gunka .i mi go'i .i za'a ro do go'i ji'a .i ma pe do fasnu

i ja'a mutce gunka i so'i da pe mi fasnu i mi puza pa masti co'a gunka
tu'a lo banxa i mi sisti le nu saske tadni i caku mi na zifre le nu
mutce temci lojbo

>.i
>ri'a le mi ckule joi pendo mi jdika loka zifre kei liso'i
     ^bo pe'ipei?

>.i mi co'u
>morji loi jbovla

i oi mi ji'a co'a co'u morji

>.i ko tavla mi ju'ipe'u da .i doi cilre ko cusku bau la
>lojban. .i la'edi'u traji loka sutra je frili je selja'e loi cilre tadji
>du'o mi

i mi do mulno tugni

>ni'o mi puza vitke la londn. le xarfi'a nunjmaji .i mi la londn. capu
>ciroi zvati gi'e tcenei

mi ly vitke paroi ze'i lo jeftu i mi ji'a tcenei i a'o mi ba xruti
i la londn po'o pe lei ropno tcadu mi pu se vitke

>.iku'i loka mi frili na banzu lenu mi kakne co
>viska rauda .i to rauda xomei vau paunai .i so'aroi ka'e co'e rauda toi

i roroiku da poi cnino ka'e se facki

>.i mi refpe'i lo jbopre no'u la ritcrd. .e la .i,n. gi'e pare'u penmi la
>kolin. noi mi pu se tavla fike'a loi so'imei zabna

i xu do jy tavla bau la lojban

>ni'o mi ca de'a ciska

i go'i ra'o
co'o mi'e xorxes